Venjaraskifti í Stjørnuni

Kári Horn (til høgru á myndini) er nýggjur venjari hjá Stjørnuni. Mynd: savnsmynd Neistin.fo

Christoffur G. Nielsen hevur seinastu tvey árini vant besta kvinnuliðið hjá Stjørnuni. Avtala er nú gjørd millum Stjørnuna og Christoffur um, at samstarvið steðgar.
                                                                           
Stjørnan takkar Christoffuri fyri tíðina, hann hevur virkað í felagnum og ynskir honum alt tað besta.

Avtala er gjørd við Kára Horn um, at hann skal venja besta liðið hjá Stjørnuni, fyribils tað sum eftir er av hesum kappingarárinum. Kári hevur royndir sum venjari í bestu kvinnudeildini, har hann m.a. hevur vant bestu kvinnuliðini hjá Neistanum og VB.​

---