Vit trúgva uppá møguleikan

Vit trúgva uppá møguleikan

Hóast okkara kvinnur taptu fyrstu fm-finaluna móti Neistanum 27-23, so er onki avgjørt enn. Vinna tær næstu finaluna, sum verður leikt í KÍ-høllini leygardagin kl. 15:00, skal ein triðja og avgerðandi finala leikast.

Tað gekk annars javnt á stóran part av fyrra hálvleiki, men móti endanum av fyrra hálvleiki mistu okkara  kvinnur takið, serliga vóru tað skotroyndirnar uppá mál, sum ikki vóru nóg neyvar,  og tað bleiv revsað við nøkur skjótum mótálopum frá Neistanum sum góvu mál, og so kundi Neistin fara til hálvleiks við eini fimm málsleiðslu.

Seinni hálvleikur var allur sum hann var, ein stór mótbrekka hjá okkara kvinnum, men tær góvu ikki upp, og við einum góðum endaspurti kom nakað av spenningi aftur í dystin. Men tað var ov seint, og úrslitið varð, at Neistin kundi fara av vøllinum sum vinnari av fyrstu fm-finaluni.

Vit tosaðu við nakrar av okkara leikarum eftir dystir. Sjálvandi vóru tær vónbrotnar, men søgdu tær alla við ein munn, at tær trúgva uppá møguleikan. Tað skal bara ein sigur til leygardagin, so er alt opið aftur.

Vit trúgva eisini uppá møguleikan. Koyr á Stjørnan!