Vit venja sum vanligt í heystferiuni

Hóast heystferia er, so er venjing sum vanligt í yngru deildunum og vóru vit ein túr í høllini í dag meðan U8/U6 vandu. Per Klarup situr her millum børnini saman við foreldrum og eru hetta børn á byrjanarstøði, sum venja hvønn mánadag kl. 14.00.

Hugsanin er at børnini læra at kasta, lofta, dribla og annars koma at kenna grundreglarnar í hondbólti. Børnini hugna sær og tað skal vera stuttligt at spæla hondbólt. Kappingin er skipað sum vikuskiftiskappingar, har feliri dystir eru ein dag nakrar ferðir gjøgnum veturin.

Eru fleiri sum ynskja at royna seg sum hondbóltsleikara í aldrinum 6-8 ár, so skulu tit vera hjartaliga vælkomin og skulu børnini einans hava innanduraskógvar við. Leikaragjaldið fyri allan veturin er kr. 100,-.

Hjartaliga vælkomin!

---