 Spælið hjá okkara kvinnur hevur higartil verið heldur svingandi, men í dystinum móti VÍF leygdardagin gekk mundandi betur. Álopsspælið gekk í løtum heilt var, har leikarnir fluttu seg væl fyri hvørjum øðrum, og tað gav fleiri væl gjøgnumspældar málmøguleikar, og uppspælið til langskjúttarnar riggaði í løtum væl.
Verjuparturnin gekk rímiliga væl í serliga fyrra hálvleiki, meðan tær høvdu lindi til at taka sær løttum í løtum av seinna í seinna hálvleiki. Tað hevði við sær, at VÍF fekk nøkur heldur bílig mál. VÍF-liðið spældi góðan hondbólt seinasta kappingarár, og góvu tær okkara kvinnur dygga mótstøðu í onkrum av dystunum. Men í gjár var onki hjá teimum at gera. Okkara kvinnur settu seg á dystin frá byrjan av, og øktu tær støðugt um leiðsluna gjøgnum allan dystin. Eftir hálvleiksstøðuna 16-8 til okkara kvinnur, endaði tað við einum samførandi 36-23 sigri, tá samanum kom. Máskjúttar hjá okkara kvinnu vóru: Simona 11, Lovisa 11, Corina 4, Annika 3, Judith 3, Una 2 og Ella 2. Komandi sunnudag fáa okkara kvinnur vitjan av VB. Eftir at VB heldur óvæntað tapti móti StÌF um vikuskifti, er lagt upp til ein spennandi dyst sunnudagin. Kappingin um annað plássið stendur millum Stjørnuna og VB. Støðan í oddinum er tann, at Neistin er á odda við 10 stigum fyri fimm dystir, Stjørnan er á øðrum plássi við 8 stigum fyri seks dystir, og VB er á triðja plássi við 6 stigum fyri fimm dystir. |
Aðrir stuðlar
Úrslitatænastan
|