Stjørnan og Team Klaksvík spæla í Hoyvík í dag -  2. hálvfinala.  Kl. 14.00 spæla H71-Stjørnan og kl. 16.00 H71-Team Klaksvík.

Felags fyri báðar dystirnar er, at H71 vann greitt í Klaksvík og kann við sigri í dag spæla seg í finalurnar. Hinvegin vinna Stjørnan og/ella Team Klaksvík, so skal ein triði dystur til hjá tí liðnum fyri at avgera, hvør skal í finaluna.

Koyr á Stjørnan og koyr á Team Klaksvík!

So er tað sunnudagin 27.mars vit fara til Hoyvíkar, har SMS kvinnurnar møta H71 í seinnu hálvfinaluni. Av tí skipa vit saman við Team Klaksvík fyri, at bussur koyrur úr Klaksvík kl. 13:00 og koyrur norð aftur tá dysturin hjá Team Klaksvík er liðugur.
- bussurin koyrur frá Skálanum kl. 13:00 í Klaksvík
-freistin at ogna sær pláss í bussinum er í morgin í morgin 26. mars kl. 19:00. 

Bæði kvinnuliðið og mansliðið hjá klaksvíkingum spæla hálvfinalu, og tað er ikki hent í nýggjari tíð.

Hondbólturin í Klaksvík hevur tað betri enn leingi, í øllum førum um hugt verður eftir besta kvinnuliðnum hjá Stjørnuni og besta mansliðnum hjá Team Klaksvík.

Stjørnan hevur í ár spælt við í oddastríðnum fyri fyrstu ferð síðani stórheitstíðin endaði fyri nøkrum árum síðani. Stjørnan var í hálvfinaluni í steypakappingini, men tapti uppá smálutir móti steypavinnarunum úr Kyndli í síðstu sekundunum. Í hálvfinaluni í landskappingini møtir Stjørnan oddaliðnum í grundspælinum, H71. Í landskappingini hava liðini spælt tríggjar dystir, har H71 hevur vunnið við 2-3 málum hvørjaferð.

Team Klaksvík spælir sína fyrstu hálvfinalu nakrantíð. Onkuntíð hevur verið nær við bæði í steypa- og landskapping, men í ár rakk tað í landskappingini. Mótstøðan verður stór, tí oddaliðið H71 verður mett sum eitt av bestu liðunum, sum nakrantíð hevur spælt í Føroyum. Tað sást eisini aftur í, at fleiri leikarar á liðnum hava gjørt sáttmálar við feløg uttanlands. Í landskappingini hevur Team Klaksvík vunnið ein og tapt tveir móti H71 hetta kappingarárið.

Hetta er fyrstu ferð í nýggjari tíð, at bæði kvinnuliðið og mansliðið spæla hálvfinalu, so talan verður um søguligt kvøld í Klaksvík mikukvøldið, tá H71 vitjar Stjørnuna og Team Klaksvík. Stjørnan spælir í KÍ-høllini kl. 20.00, meðan Team Klaksvík spælir kl. 18.30 í Badmintonhøllini. Hoyvíkingar koma uttan iva mannsterkir til Klaksvíkar, so talan verður helst um óvanliga stóra áskoðarafjøld í báðum hallunum mikukvøldið.


23. mars hálvfinalur í landskappingini:
18.30: Team Klaksvík-H71
20.00: Stjørnan-H71

​

Hóast H71 kvinnurnar vunnu fyrstu hálvfinaluna 32-26 á Stjørnuni í kvøld, so er onki avgjørt enn. Sunnudagin verður næsta hálvfinalan leikt í Hoyvíkshøllini, og megnar Stjørnan at vinna tann dystin, skal ein triðja hálvfinala leikast, málmunurin hevur onki at siga
.                                                                             
Leikliga var ikki so stórur munurin á liðunum, tað sum serliga kostaði Stjørnuni dýrt, vóru misnýttir upplagdir málmøguleikar og mistøk sum gjørd vóru í álopsspælinum, og sum í fleiri førum blivu straffaði við skjótum mótálpum frá H71.
                                                                                                                                           
Fyri einum lítlum mánaði síðani fekk Tóra Eliasen, sum ein av berandi kreftunum á Stjørnuliðnum, skaða í knæðið. Skaðin hevur gjørt, at Tóra ikki hevur kunnað vænt og leikt í tríggjar vikur. Hon var bert við í løtum í kvøld, og tað merktist á spælinum hjá Stjørnuni .
​                                                                             
Okkara metan er, at tað avgjørt er møguligt hjá Stjørnuni at vinna næstu hálvfinaluna, men fyrsta treytin er, at fáa minkað um mistøkini, og so vænta vit, at Tóra kann koma at hava ein størri leiklut í í tí dystinum.  
         
Á stjørnuleðnum var Durita C. Jojic greitt besti spælarin í kvøld bæði í verju og álopi. Hon gjørdist eisini toppskjútti hjá Stjørnuni við 12 málum. 

​

Vit skapar perfektar karmar og so vinna í kvøld sigur ein spent Súsanna Lydersen, forkvinna í Stjørnuni.

Hetta er øgiliga spennandi, nú spæla vit um tað sum er stuttligt at spæla um, sigur ein spent forkvinna tá vit tosa við hana nú fyrrapartin. 

Málini tey hava sett sær eru rokkin, men Stjørnan vil meira. 

- Vit settu okkum sum mál at vit skuldu enda í topp 4 og tað megnaðu vit rímuliga trygt. Nú hava vit sett okkum nýtt mál og tað er at fara eftir finaluplássinum, sigur Súsanna. 

- Vit hava haft onkrar smáskaðar, men allar eru klárar til dystin í kvøld. Uttanfyri vøllin verða okkara fjepparar væl við. Vit hava kaffisølu og lutaseðlasølu. Hoyvíkingar plaga at møta væl upp og nokk ikki minni væl upp nú, tá menninir hjá H71 spæla beint áðrenn í Badmintonhøllini, sigur Súsanna. 

- Eg vænti eitt øgiliga spennandi kvøld og eisini stuttlig við nógvum áskoðarum og góðum lagi. Vit vinna í kvøld, sigur Súsanna við Norðlýsið at enda. 
​
Dysturin millum Stjørnuna og H71 byrjar kl. 20.00

​

Bussur til dystin 10. mars í Høllini á Hálsi

Vit leiga buss at koyra til Havnar og norð aftur, til dystin ímóti Neistanum tann 10. mars kl. 18:00
Vit koyra frá Skálanum kl. 17:00.

Først til mølle at ogna sær pláss Tit eru vælkomin at skriva ella ringja okkum á telefon +298 255522, um tú vil orna tær plass í bussinum.
Bussurin tekur 50 áskoðarar.

Vit síggjast!

Áskoðararnir vóru vitni til ein sera spennandi hondbóltsdyst í KÍ høllini í dag, tá Stjørnan og H71 hittust í bestu kvinnudeildini í hondbólti.

H71 kom betur frá byrjan og kom beinan veg fram um við fleiri málum. Men Stjørnan arbeiddi seg fram. Hálvsleiksstøðan gjørdist 13-15 til H71, men hetta javnaði seg og tá leiktir vóru 41 minuttir var støðan 18-19 til H71. Men tá 48 minuttir vóru leiktir kom Stjørnan upp á javnt og støðan gjørdist 23-23.
​
H71 vísti tó størri neyvleika ígjøgnum allan dystin, tí gjørdist endaliga úrslitið 26-28 til H71.

Í dag tekur Stjørnan móti Kyndil í seinna dystin um steypafinaluplássið. Dysturin verður í KÍ-høllini
Kl. 14.00 og vóna vit at síggja tykkum øll í KÍ-høllini fyri at stuðla okkara kvinnum:)

Til dystin verður eisini lutaselðasøla. Vinningarnir eru fiskavøra frá Norðfrá og Gadus

Koyr á Stjørnan!

Stjørnan hevði møguleika í seinastu sekundunum at skora, og harvið leika seg í steypafinaluna, men møguleikin varð misnýttur, og so blivu tað kyndlakvinnur sum kundu frøðast um finaluplássið.                        
Ein so gott sum fullsett KÍ-høll fekk valuta fyri allar pengarnar, tá Stjørnan og Kyndil í dag leiktu seinnu hálvfinaluna í steypakappingini. Tað var spenningurin í gjøgnum allan dystin, liðini skiftust um at hava leiðsluna, og munurin var ongntíð meira enn tvey mál. Í hálvleikinum førdi Kyndil við einum máli.
​
Gongdin var tann saman gjøgnum seinna hálvleik, liðini skiftust um at hava leiðsluna, men ímóti endanum av seinna hálvleiki, hevði Kyndil hug taka leiðsluna, men tá so Turið Arge Samuelsen, sum er ein avberandi kreftunum hjá Kyndil, fekk beinleiðis reytt kort, broyttist fortreytirnar hjá Stjørnuni at koma innaftur í dystin alvorliga, men tær tóku ikki av møguleikanum, og verða tað sostatt Kyndil og H71 sum møtast í steypafinaluni hjá kvinnum.

Lagt er upp til tað stóra brakið av einum hondbóltsdysti, tá Stjørnan og Kyndil bresta saman til seinnu hálvfinaluna í steypakappingini í KÍ-høllini í morgin. Tað ljóðar, at kyndilsviðhaldsfólk fara at møta mannsterk upp fyri stuðla sínum liðið.
                                                                                                         

Úr stjørnuleguni frættir Norðlýsið, at tey eru sera spendt, og hava fyrireika seg væl til dystin. Tey heita á viðhaldsfólk hjá Stjørnuni um at møta mannsterk upp og í góðari tíð.                                                         
Orsaka av korona hevur higartil bert ein inngongd verið til heimadystirnar hjá Stjørnuni, og tað hevur verið í miðhøllini í eystaru síðu, men til dystin í morgin verður inngongdin frá Bøgøtu eisini opin.    
                                      
Dysturin verður floytaður í gongd kl. 14.00.

Koyr á Stjørnan!

Sunnudagin fellur avgerðin, um tað verða kvinnurnar hjá Stjørnuni ella Kyndil sum skulu møta H71 í steypafinaluni. Fyrra hálvfinalan millum Stjørnuna og Kyndil, sum varð leikt á Høllini á Hálsi seinasta sunnudag, gjørdist ein sannur gysari, sum endaði við einum teprum 23-22 sigri til Kyndil. Hóast Kyndil, við sigrinum, hevur ein lítlan fyrimun, so er alt púra opið undan seinnu hálvfinaluni, sum verður leikt í KÍ-høllini sunnudagin kl. 14.00.    
                                                                                                                      
​Tað eru eftirhondini nøkur ár síðani, at kvinnurnar Stjørnuni seinast leiktu ein so avgerandi dyst, sum dysturin sunnudag er, og lagt er eisini upp til ein rættiliga spennandi dyst. Stjørnuleikararnir vóna, at viðhaldsfólk teirra møta fjøllment upp fyri at stuðla teimum.

Koyr á Stjørnan!

Fyrra hálvfinalan í steypakappingini hjá kvinnum millum Kyndil og Stjørnuna gjørdist ein sannur gysari.

Eftir hálvleiksstøðuna 10-10, endaði dysturin við einum teprum 23-22 sigri til Kyndil. Tað gekk javnt á allan dystin, og liðini skiftust um at hava leiðsluna. Dysturin var merktur at hørðum og kontantum spæli, tó uttan at blíva ófantaligur, og spennigurin helt sær líka til seinasta sekund. Tað kostaðin Stjørnuni dýrt, at trý brotskøst blivu missnýtt.

Hóast Kyndil vann dystin við einum máli, so er als onki avgjørt. Tað verður liðið, sum er best eftir tveir dystir, sum kemur í fianlua, og her setningurin púra greiður hjá Stjørnuni, returdysturin í KÍ-høllini komandi sunnudag skal vinnast við minst tveimum málnum, og tann møguleikin er avgjørt til staðar.

​Vit gleða okkum til komandi sunnudag.

​

Lagt er upp til ein spennandi dyst, tá kvinnurnar hjá Stjørnuni sunnukvøldið skulu til Havnar at leika fyrru hálvfinaluna í steypakappingi í móti Kyndil.

Sjørnukvinnurnar hava higartil staðið seg væl í kappingini, tær liggja sum nummar trý í landskappingini, og hava harvið leikt til endaspælið, og so so eru tær komnar í hálvfinaluna í steypakappingini. Undan kappingarbyrjan varð ikki væntað so nógv av kyndilskvinnum, tí frágongdin hevði verið stór, men tær hava eisini staðið seg væl higartil.

Seinast Stjørnan og Kyndil hittust, endaði dysturin við javnleiki 26-26, so lagt er upp til spennandi dysti í annakvøld. Leikast skulu tvær hálvfinalur, so tað er umráðandi at fáa eitt gott úrslit undan seinnu hálvfinaluni, sum verður í KÍ-høllini næsta sunnudag. Vónandi møta viðhaldsfólkini hjá Stjørnuni mannsterk upp til dystin fyri at stuðla sínum liðið.

Dysturin verður leiktur í høllini á Hálsi, og byrjar kl. 20.00.

Koyr á Stjørnan!

Sum vit nevndu í dystarfrásøgnini frá dystinum millum Stjørnuan og H71 2 í gjár, so hevði Stjørnan so gott sum leikt seg í hálvfinalurnar í steypakappingini. Í dag er tað so endliga staðfest, at kvinnurnar hjá Stjørnuni verða eitt av teimum fýra liðunum sum skulu leika hálvfinaludyst. Einasta liðið, sum kundi hótta Stjørnuna var StÍF, men eftir at StÍF í dag hevur tapt 28-24 ímóti H71 1, verður Stjørnan nummar tvey í bólkinum.

​Mótstøðuliðið í hálvfinaluni verður Kyndil. Kyndil hevur vunnið allar sínar dystir í teirra bólki, og vinna sostatt bólkin. Leikast skulu tveir hálvfinaludystir ein heima og ein úti. Nær hálvfinalurnar verða leiktar, er ikki greitt í løtuni.
                                                                                                                                 
Liðini í hinari hálvfinaluni verða allarhelst H71 1 og Neistin. Ein dystur er eftir at leika í tí bólkinum.

Við einum greiðum 39-19 sigri á H71 2 hava kvinnurnar hjá Stjørnuni so gott sum tryggjað sær pláss í hálvfinalunum í steypakappingini hjá kvinnunum. Men tær næstbestu hjá H71 vóru væl við stóran part av fyrra hálvleiki í dystinum í dag, men í seinna hálvleiki, megnaður tær ikki at fylgja við. Hálvleiksstøðan var 19-13 til Stjørnuna.
                                                                                                                                                   
Í seinna hálvleiki kom meira ferð yvir spælið hjá Stjørnuni, samstundis sum at verjuparturin riggaði betur enn í fyrra hálvleiki. Sum seinni hálvleikur leið, økti Stjørnan støðugt um leiðsluna, og hetta gav venjaranum møguleika at skifta nógv út. Í seinna hálvleiki vóru tað serliga Oddvør Josephsen og Katrin Bertholdsen sum stóðu seg væl, har Oddvør við sína skjóta beinskifti bjóðaði verjuni hjá H71 av, og gav hetta møguleikar til fríspælingar til Katrin á vinstra vongi ella til strikuspælararan. Katrin gjørdist eisini toppskjútti hjá Stjørnuni við 13 málum.
                                                                                                                                                   
Við sigrinum hava kvinnurnar hjá Stjørnuni so gott um tryggjað sær pláss í hálvfinaluni. Stjørnan hevur nú leikt allar tríggjar dystirnar í bólkaspælinum og hava 4 stig, og ein málmun uppá + 30 mál, og liggja í løtuni á fyrsta plássi. H71 1 hevur eisini 4 stig, men málmunurin hjá Stjørnuni er betur. H71 1 hevur ein dyst eftir at leika, hann er ímóti StÍF, og verður leiktur í Hoyvikshøllini í morgin. Møguleiki er hjá StÍF at innheita Stjørnuna, men so skulu tær vinna rættuliga nógv á bæði H71 og H71 2.
​
Málini hjá Stjørnuni í dagsins dysti skutu: Katrin Bertholdsen 13, Tóra Eliasen 5, Durita Jojic 4, Iulian Navliko 4, Joan Sørensen 3, Mina S. Henriksen, Oddvør Josephsen og Malene Madsen tvey mál hvør, Ella Samson, Sonja S. á Bergi og Durita Ljósstein eitt mál hvør