Tað var spenningur fyri allar pengarnar, tá Stjørnan í dag tók móti H71

Tað var eitt sera uppsett stjørnulið sum koma á vøllin. Tær løgdu hart, og tá leiktir vóru 9 minuttir, var Stjørnan á odda 7-2, men so kom stígur hjá heimaliðnum. Tær gjørdu fleiri óneyðug mistøk, sum gav H71 møguleika at koma innaftur í dystin. Næstu 9 minuttirnar fekk Stjørnan onki mál, meðan H71 skoraði 7 ferðir, og hevði harvið fingið eina leiðslu uppá 9-7. Men stjørnuleikarnir góðu ikki upp, og tað sum eftir var av fyrra hálvleiki, skiftust liðini um at skora, soleiðis at hálvleiksstøðan gjørdist 14-12 til H71.

Tað vóru bert leiktir 4 minuttur í seinna hálvleiki, so hevði Stjørnan tikið leiðsluna, støðan var tá 16-15, og eftir tað hevði Stjørnan leiðsluna, tað sum eftir var av dystinum, men munurin var ongantíð størri 2-3 mál, og spenningur var stórur. Skuldi tað fara at eydnast Stjørnuni at vinna á einum av oddaliðnum.

Tað sást á H71 leikarunum, at teir vór ørkimlaðir av óvæntaður mótsøðuni og ágangandi verjuspælinum hjá heimaliðnum, og eini sera væl leikandi Raluku í stjørnumálinum, men spenningurin helt sær. Tá leiktir vóru 28 minuttir var støðan 24-23, og høllin kókaði, men næstu tveir minuttir fekk Stjørnan 3 mál, meðan H71 onki mál fekk, og endaði dystiurin sostatt við einum sigri til Stjørnuna uppá 27-23.

Samanumtikið má sigast at talan varð um ein upibornan sigur til Stjørunua, har allir leikarnir góðu seg 100%, tó vóru tað onkrir leikarar sum skarða fram út, m.a. Mina Sirdal sum gjørdist toppskjútti fyri heimaliði við 10 málum. Eisini unga og Monika Jacobsen, stóð seg sera væl í verjuni. Í seinna hálvleiki valdi venjarin hjá Stjøruni at lata bert 15 ára gomlu Óluvu Joensen leika í verjuni fyri Minu, og tað uppgávuna megnaði Óluva væl. Hetta gav Minu orku til at geva seg fult út í álopinum. Úrslitið talar fyri seg.

Tað er langt síðani, at man hevur upplivað ein so pennandi og vælleiktan hondbóltsdyst í KÍ-hølli. Tillukku  við sigrinum Stjørnan.

Málskjúttar hjá Stjørnuni: Mina Sirdal 10 , Judit Dam-Jacobsen 6, Sonja Sirdal 5, Kristina Poulsen 3, Monika Jacobsen 2 og Tóra Eliasen 1

Skrivað: Oliver Joensen, Norðlýsið:

Stjørnan greiddi uppgávuna ídag og vann 23-18 á botnliðnum StÍF

Tað gekk javnt á fyrstu løtuna, men so fekk Stjørnan betur stýr á verjupartinum, og tá leiktir vóru 18 minuttur, var støðan 10-4 til Stjørnuna, men so kom stíður í hjá heimaliðnum, og fingu tær bert eitt mál, tað sum eftir var at fyrra hálvleiki, meðan StÍF fekk trý mál. Hálvleiksstøðan var 11-7 til Stjørnuna.

StÍF kom betur frá byrjan í seinna hálvleiki, og fekk minka um munin til tvey mál, men nærri komu tær ikki. Eftir hetta hetta dróg Stjørnan frá aftur StÍF, og hevði onkra løtu eina leitslu uppá 6 mál, og sýnist Stjørnan at hava fult tamarhald á dystinum. Endaliga úrslitið gjørdist ein greiður 23-15 sigur til heimaliðið.

Við sigrinum er Stjørnan komin uppá 5 stig, eitt stig aftanfyri Kyndil á fjóðra plássi.

Málskjúttar:
Stjørnan: Tóra Eliasen 8, Judith Dam-Jacobsen 5, Katrin Bertholdsen 3, Mina Sirdal 2, Sonja Sirdal 2, Kristina Poulsen 2 og Jórun Nielsen 1
StÍF: Emmy Kass 4, Erla J. Petersen 4, Karina B Høgnesen 3, Rebekka Zachariassen 3 og Poul D. Berg 1

Í kvøld tekur Stjørnan móti VÍF og lagt er upp til ein sera spennandi dyst.

Stjørnan hevur í løtuni 3 stig meðan VÍF hevur 5 stig eftir at bæði liðini hava leikt fýra dystir.

Vónandi verða vit nógv, sum koma at stuðla okkara ungu kvinnum í kvøld. Dysturin er kl. 18.00 og eftir dystin spælir 1. deild eisini ímóti VÍF.

Koyr á Stjørnan!

Norðoya Sparikassi og hondbóltsfelagið Stjørnan hava endurnýggja stuðulsavtaluna í tvey ár frameftir, soleiðis at Norðoya Sparikassi framhaldandi verður høvuðsstuðul fyri kappingarárið 2018/19 og 2019/20.

Stjørnan er sera fegin um avtaluna og saman við øðrum góðum stuðlum, er tað møguligt hjá okkum at halda áframm við menningin av felagnum. Sum kunnugt, so hevur Stjørnan ein høvuðusvenjara, sum tekur sær av venjingunum hjá øllum deildum, saman við einum góðum venjaratoymi í felagnum. Hetta er ein miðvís ætlan, sum skjøtul varð settur á fyri tveimum árum síðani, har nevndin í Stjørnuni avgjørdi at miðvíst arbeiða við kleking og menning av egnum tilfari.

Vit fegnast um hesa gongdina, sum eftir okkara tykki fer at geva úrslit seinni, tí tað er sera umráðandi hjá einum so týdningarmiklum felag sum Stjørnuni, at hava eitt langtíðar aðalmál, har vit í mest møguligan mun við egnum leikarum kunnu mynda allar deildir.

Fíggjarligur stuðul er sjálvandi sera umráðandi, men stuðul frá teimum, sum hava áhugamál í Stjørnuni er ikki at undirmeta og eru vit sera fegin fyri tí góða baklandi, vit hava, tá ið talan er um leikarar, venjarar, hjálparfólk og øllum annars, sum altíð eru fús at veita eina hjálpandi hond til felagsarbeiðið.

Eftir at gentur 14 vóru lidnar at venja og venjingin hjá bestu kvinnudeildini byrjaði, varð stuðulsavtalan undirskivað og bjóða var til eina hugnaløtu eftir venjing, har Tummas Martin Sólsker, vinnukundaleiðari í Norðoya Sparikassa,  eisini fekk høvi at heilsa uppá Stjørnuleikarnar.

Leygardagin 6. oktober var fyrsta kappingin fyri U8 í Klaksvík, har bæði gentur og dreingir úr feløgunum kring landið høvdu leita sær til Klaksvíkar at spæla hondbólt. Stjørnan var vertur og høvdu heili 39 lið melda seg til kappingina hesuferð.

Tað serliga við hesum kappingunum er, at eingin mál verða tald og eingin dómari á vøllinum. Endamálið er at spæla so nógvar dystir sum møguligt og at hava tað stuttligt. Venjararnir eru so at siga dómarar, har teir royna at minna børnini á vanligu hondbóltsreglarnar, og soleiðis gjøgnum dystirnar fáa reglarar so við og við uppá pláss og harvið læra hondbólt. Børnini læra skjótt og eru bólkaði upp eftir hondbóltsstøði, soleiðis at øll kunnu fáa nakað burturúr og annars hava tað stuttligt á hondbóltsvøllinum.

Fyri at fáa eina so stóra kapping at ganga væl er brúk fyri nógvum hjálparfólki og ynskja vit at takka tykkum foreldur, leikarar og venjarar, sum komu og góvu okkum eina hjálpandi hond henda stóra dagin, soleiðis at alt eydnaðis væl her í Klaksvík.

Hjartans tøkk øll somul!

Her eru nakrar myndir frá degnum:

Undan dystinum høvdu bæði liðini sín fyrsta sigur til góðar. Kyndil kom betur frá byrjan, tá 10 min. vóru leiktir, var Kyndil á odda 6-2, men so kom stíður í hjá Kyndil, og næstu løtuna fekk Stjørnan minkað um munin til eitt mál, og tá leiktir vóru uml. 25 min. tók Stjørnan fyri fyrstu ferð leiðsluna, støðan var tá 12-11 til Stjørnuna, og hevði Stjørnan leiðsluna restin av dystinum. Hálvleiksstøðan var 15-13 til Stjørnuna.

Kyndil royndi at svara afur í seinna hálvleiki, men verjan hjá heimaliðnum stóð seg munandi betur enn í fyrra hálvleiki, og hevði Kyndil trupult við koma til upplagdar málmøguleikar. Sum seinni hálvleikur leið, økti Stjørnan støðugt um leiðsluna, soleiðis at endaliga úrslitið gjørdist ein greiður 31-25 sigur til Stjørnuna.

Málskjúttar vóru fyri Stjørnuna: Sonja Sirdal 10, Tóra Eliasen 7, Mina Sirdal 6, Judith Dam-Jacobsen 5, Katrin Bertholdsen 2 og Marið Heimistovu og Jórun Nielsen hvør sítt mál

Málskjúttar hjá Kyndil vóru: Bára K. Hansen 8, Súna K. Hansen 6, Anja Eliasen 4, Beinta Lindberg 3, Sólja B. Poulsen 2 og Birita Mortansdóttir og Beinta Bárðardótir hvør sítt mál

Vit ynskja Stjørnukvinnunum hjartaliga til lukku við góða úrslitinum!

Koyr á Stjørnan!